O bazar de nes

A raíz dun comentario do señor Carreira doume conta de que teño este blog en suspensión. O proceso foi progresivo, sen grandes aspaventos. A fenda dixital (aínda que como nos recorda este domingo Castells é principalmente educativa) tamén me afectou, pois non ter internet no fogar tamén retarda o proceso de lectura-escritura de posts no blog. Lento, pero non inexistente.

Unido a esto está a distancia. As conversas co señor Puga na cafetería de teleco sembraban as ganas de escribir e de montar empresas tan necesarias como pouco tendentes a estar nos primeiros rankings da web 2.0 ;)

Mais, principalmente, o proceso de suspensión sucedeu porque a día de hoxe outros proxectos acaparan toda a miña atención. Paso os días relendo (e tamén re-escribindo). Estou en “modo esponxa“: absorvo todo o que podo dos que máis saben. E tamén hai cidades que merecen ser vividas off-line, como polo momento me sucede con Coruña. Será que son recén chegado.

Sexa como sexa o 2008 creo que será máis do mesmo destes últimos meses: máis e máis software libre. Ler, pensar, escribir e programar son as tarefas que ocuparan o meu tempo este ano. Porque o 2008, será para min o ano do software libre.

Actualización 19 Outuibro: Calidonia tamén escribe sobre isto. E danos unha pequena colleja.
A poucos lle sentan ben as críticas, aínda que sexan éstas humorísticas ou parodias, mera retranca galega. Pero só algúns acuden ó xulgado para que non fagan chistes sobre eles.

Tu quoque Iolanda?

• Aduaneiros Sem Fronteiras bota o peche por unha demanda de Yolanda Castaño
• Os vestidos da polémica
• Yoli e Antón (lovestory)
• A nova en Chuza

Logo dun día enteiro “de paseo” por Coruña (moi levadeiro gracias ó meu guía … gracias Quique!) non atopamos ningún sitio onde mereza a pena vivir.. se un quere conservar a saúde (física e mental).

Teño ata 3 páxinas da moleskine emborronadas con números, cifras, lugares, citas. A maioría xa alquilados, os “prometedores” con esixencias dignas dunha peli dos Marx e persoaxes sacados dunha novela de Kafka.

Lara cóntanos que en Gante non se alquila nada, que lle costou atopar piso. E creo que na Coruña non debería alquilarse.. a metade do que se alquila.

Segue a búsqueda de piso..

Este domingo, Fran e máis eu tivemos a sorte de poder tomar unhas cañas con Olga e Felipe, do Laboratorio de Innovación Social.

Foron unhas conversas moi agradables, tanto que non se me pasou pola cabeza sacar fotos (mais gracias a que Olga está en todo.. a pesar de estar en modo “baixo consumo“, temos retrato :D). Non collín a cámara porque estaba concentrado en cada palabra que dicían, en cada historia que contaban do LIS.

A iniciativa do Laboratorio de innovación social é algo que levo tempo seguindo e que consiste nunha serie de talleres por toda España para amosar as posibilidades dos blogs no terceiro sector. Posteriormente, os que o desexen, poden realizar un taller virtual acompañados por ambos tutores. O LIS é moi necesario, espero que todo lles vaia tan ben como se merecen.

Pola miña parte, apuntei xa na cea algúns dos motores de futuro que me moverán a partir deste punto.

O dito. Gracias pola cea e boa viaxe! .. x certo, a próxima vez xa sabedes: escollede autopista! ;)

Un twist para ameniza-lo inicio da semana:

é concepçom monoteísta
pensar que existe umha só soluçom
é um conceito banal
o dividendo por baixo do divisor
é umha história perdida
a coeréncia de grande pensador
é um debate sem limite como fazer a perfeita revoluçom
é um debate sem limite como fazê-la perfeita.

é muito definitivo
umha janela tapiada na habitaçom
é altamente agradável
conhecer um valente que tenha valor
de feito é habitual
nom dizer nada novo na conversaçom
é um debate sem limite como fazer a perfeita revoluçom
é um debate sem limite como fazê-lo perfeito.
levere leverelem.

Leverelem - MARFUL

[ Actualización 23-05, 22:50h: título correxido ;) ]

Logo da axuda da xente de AGNIX e, sobre todo, de Pedro, o master da Blogaliza, xa teño a entrevista a Javi Vázquez on-line. Javi é socio-fundador e actual desenvolvedor de negocio de IGALIA, empresa galega de software libre.

A razón da entrevista é doble:

• mostrar cómo dende Galicia se pode competir a nivel mundial nun campo tan complexo como o do software libre

• denuncia-las accións que van en contra da nosa industria local e do benestar que pretendemos conseguir a través da sociedade do coñecemento

A entrevista divídese en 4 bloques. Os seguintes:

» IGALIA, a empresa. [00:00-14:40]

Os 3 eixos que configuran a súa actividade: empresa de software libre, xestión cooperativa e forte tendencia á internacionalización (ver por exemplo iniciativa GMAE: IGALIA como membro fundador).

» IGALIA e a comunidade. [14:40-23:30]

De cómo afronta IGALIA o problema dos free riders (a traxedia dos comúns), ou qué lle devolve a empresa á comunidade. IGALIA como mumi, ou axente dinamizador na produción de software libre. Ver por exemplo Premio ó mellor PFC con soft libre e colaboración con GPUL.

» O PEGSI e o mercado TIC galego. [23:30-31:40]

Unha retrospectiva dende a experiencia de Javi do mercado galego das TIC e qué supón o PEGSI neste marco.

» Os últimos pasos atrás. [31:40-50:17]

Tamén falamos dos perigos e pasos atrás que se realizaron nestos meses e cómo iso pode influir no desenvolvemento de Galicia e no noso benestar.

• O caso SERGAS: 653.140€ en licencias

• O caso CIXTEC: 1.452.500€ en licencias

• Educación e software libre: mentres as asociacións de Linux galegas se reúnen coa consellería de educación para falar de software libre e plans de migración, Touriño negocia un acordo con Microsoft.

Espero a disfrutedes! :D

[making off] Desculpade os meus excesivos tics e a rapidez coa que falo… cousas de conversar cunha persoa de alto standing! ;) Por certo, a metade da entrevista (minuto 30:50 + ou - ) tivemos que realizar un apaño, pois mentres a grabábamos sufrimos un pequeno percance co Skype. A próxima sairá mellor. [/making off]

 

 Entrevista a Javi Vázquez [50:17m]: Play Now | Play in Popup | Download

Apenas chegado á casa póñome a subi-las fotos do Proxecto Ríos.

Guiados por Xosé “Rivers” Dixirei como maesse de ceremonias pasámo-lo domingo inspeccionando un tramo do río Tambre que temos asignado.

O traballo consiste en elaborar unha relación da fauna e estado do río a partir dunhas táboas e fichas dadas. E acudimos á cita todo un equipo multidisciplinar: enxeñeiros químicos, industriais, forestais e de montes, unha doutoranda en física, un tecnólogo (e falo de TIC, claro), un veterinario, un periodista e unha pedagoga. Sobre todo para pasa-lo tempo xuntos, pois a tarefa era moi sinxela.

Con esta experiencia interioricei cómo empoderar significa dotar de liberdade. Cómo a participación cidadá debe ir ligada á escalabilidade da proposta. Cómo a formación de redes precisa dos espacios informais. Ou o por que da necesidade de cultivar redes e non deseñalas.

Resumindo, foi un domingo precioso! (sobre todo porque me quedei coa empanada :D)

Última sesión do seminario de Novas Tecnoloxías e Comunicación. Taller realizado por Xosé Ramil, da Fundación Chandra.

# 10:20h - 12:00h. Comezamos a sesión matinal repasando o feito o día anterior: cómo crear bitácoras e manter as estatísticas, as alertas de Google News para facer seguemento da entidade, de eventos ou palabras clave. Finalmente recórdase a creación da lista de correo para resolver dúbidas.

(máis…)

Transcripción do seminario de novas tecnoloxías e comunicación. Venres 20 de Abril. Sesión da tarde. Facultade de dereito, USC.

Xosé Ramil, periodista nos inicios do proxecto Vieiros, logo participa en Inicia (primeira iniciativa de PRISA en internet). Posteriormente, coordinador do proxecto Canal Solidario. Actualmente actúa como coordinador do proxecto Ekoos.org tamén da Fundación Chandra.

(máis…)

Transcripción do seminario de novas tecnoloxías. Venres 20 de Abril. Sesión matinal. Facultade de dereito da USC.

Ponencia a cargo de Xabier Meilán. Ex-redactor do Ciberpaís, profesor da Escola de Xornalismo UAM/El País e do Máster de Comunicación Política do Instituto Uniersitario de Investigación Ortega e Gasset. Consultor electoral internacional, analista político e de medios.

(máis…)

Estes días andamos atando os últimos cabos para a realización do taller de novas tecnoloxías e comunicación, organizado pola Coordinadora galega de ONGD e impartido pola Fundación Chandra (ponentes: Xosé Ramil e Xavier Meilán).

Co seminario pretendemos que a xente das ONGD galegas empecen a manexar con fluidez as ferramentas que internet pón á súa disposición. Capacitar, alfabetización dixital.

O certo é que no “mundo ONGD” se descoñece a potencialidade de internet para creación de axenda pública (recordemos: a primeira tarefa dun activista). Así, hoxe en día, os activistas poden chegar a obter “ciberpoderes” que -na maior parte dos casos- descoñecen. Co seminario non esperamos resolver esto dunha tacada, o que sería irreal… mais sí fomentar a creación dunha rede de xente coñecedora destos temas e dende a que poden xurdir novas iniciativas. Queremos sembrar, non diseñar.

Tratarei de facer no blog actas diarias do ocorrido no seminario… non sexa que se cumpla o refrán… “na casa do ferreiro, cuchara de pao”.

Relacionados neste blog:

• As crónicas: Venres mañá, venres tarde, sábado.

• Blogs e axenda pública
• Política, axenda pública e ciberpoderes

• Globalización: 3 apuntes e 1 conclusión
• Identidade e globalización: a neofeudalización

Este ano cúmplense 5 dende que a revista tecnolóxica Código Cero comezara a súa andadura. Para celebrar esta ocasión, na revista impresa número 52 [PDF] invitaron a algúns internautas galegos a que contaran as súas sensacións/experiencias logo destes 5 anos … ou que fixesen un exercicio de prospectiva para os 5 seguintes.

Manuel Gago enumera os 10 sitios webs que cambiaron a súa vida, Eva escribe un artigo sobre internet e o xénero e David Lombardía describe as 5 killer aplications 2002-2007.

Eu -sen ánimo de xogar a futurólogo, exercicio que require persoas renacentistas- escribín un artigo bastante conservador, nada novo pero que convén deixar claro: limítome a describi-los dous eixos que potencian a emerxencia dos novos medios: o global e o local.

Así, a tese principal é que de forma simultánea a emerxencia dos novos medios potencia o eixo global e o local, ampliando os espazos (xeográficos e non xeográficos) de cooperación e competencia. Nada máis, pero tampouco nada menos.

Por suposto, esto ten consecuencias que é necesario explorar, mais non é a miña intención enumeralas de momento, senón deixar clara a idea.

Post relacionados neste blog:

• Globalización: 3 apuntes e unha conclusión. Onde se condensa a miña visión da globalización.
• Mundialización da economía, da sociedade e da universidade. Unha serie de relatorios feitos na Universidade de Vigo.
• Identidade e globalización: a neofeudalización. Un apunte introdutorio para converti-lo cambio en progreso, para usa-las ferramentas existentes de forma proactiva.
• Participación cidadá: ameaza ou oportunidade? Sobre a problemática da participación política e os novos medios.